Hujjatul Islam Walmuslimiin Muhammad Mehdi Imani Pour Mkuu wa Taasisi ya Utamaduni na Mawasiliano ya Kiislamu ya Iran ametoa ujumbe kufuatia kuuawa shahidi mwanahabari wa Kituo  cha Televisheni cha Al Jazeera  huko Palestina. Ujumbe wake ni huu ufuatao:

“Hakika sisi ni wa Mwenyezi Mungu, na kwake Yeye hakika tutarejea”.

    Kuuawa shahidi "Shiriin Abu Aqla", mwanahabari mwenye uzoefu  mkubwa wa  kituo cha Televisheni cha Al-Jazeera, wakati alipokuwa akiripoti jinai za utawala ghasibu wa Kizayuni  huko Jenin, kumefungua pazia jengine la ukatili na dhulma ya utawala huo ghasibu mbele ya macho ya walimwengu.

    Kulengwa kwa makusudi Shahidi Shiriin Abu Aqla na Wazayuni kunaonyesha wazi  uelimishaji wa  vyombo vya habari, waandishi wa habari na wanafikra katika kuelezea jihadi dhidi ya sura bandia ya utawala unaoikalia Quds kimabavu, umefikia hatua ya utawala huo ghasibu kuingiwa na kiwewe na hofu.

    Shahidi  Shiriin Abu Aqla anahesabiwa kuwa  ni miongoni mwa mashahidi wa Jihad  katika kukabiliana na maadui walio dhidi ya utu na ubinadamu, mwandishi wa habari ambaye alikuwa na ustadi mkubwa wa kupigiwa mfano  katika kipindi chake chote cha kutekeleza majukumu yake ya kupasha habari  za ukandamizwaji wa Palestina na wakaazi wa Quds Tukufu. 

    Kwa hakika kuuawa shahidi mwanahabari huyu mwanamke  kutaacha ujumbe mzito kwenye mabega ya wanajihadi wengine katika uga wa kuelezea jinai za utawala wa Kizayuni, na hatimaye njia hii angavu na takatifu, itakuwa ni kukombolewa Quds Tukufu, na kusafishwa  uchafu wa maghasibu wa Kizayuni katika maeneo yote ya Palestina. Inshaallah

Muhammad Mehdi Imani Pour

Mkuu wa Taasisi ya Utamaduni na Mawasiliano ya Kiislamu